إتَّكل عالغيمة !
20Aug
الله معك...
بيخبرو عن زلمي راح عالغابة و قاعد يحفُر بالأرض كل شوي يغيِّر مطرح و يُحفُر.
شافو شب مارق من هونيك قلّو :
عَمّو مضيِّع شي؟ بساعدك بشي؟
جاوبو الزلمي : من فترة خبَّيت مصاري بالأرض بس ما عم لاقي وين!
قلّو الشب : كان لازم تحط علامة تا تتذكَّر.
قال الرِجّال :
و مين قلِّك ما حطَّيت!
كان في غيمة بالسما حفرت تحتها و حطّيتهن بس ما عم لاقي لا العلامة و لا المصاري!
الزوّادة بتقلّي وبتقلَّك :
اللي بينبَنى عا أساس مش ثابت مع الوقت بيروح متل ما هالزلمي إتَّكل عالغيمة!
تذكَّروا هالآية بالكتاب المقدّس :
"يُشْبِهُ إِنْسَانًا بَنَى بَيْتًا، وَحَفَرَ وَعَمَّقَ وَوَضَعَ الأَسَاسَ عَلَى الصَّخْرِ. فَلَمَّا حَدَثَ سَيْلٌ صَدَمَ النَّهْرُ ذلِكَ الْبَيْتَ، فَلَمْ يَقْدِرْ أَنْ يُزَعْزِعَهُ، لأَنَّهُ كَانَ مُؤَسَّسًا عَلَى الصَّخْرِ."
(لو ٦: ٤٨)...
يَومك حلو مع يسوع!
المصدر : صفحة Jesus My Lord
تعليقات
