الله معك...



بيخبّرو عن شحَّاد كان قاعد على باب الكنيسة عَم يشحد. 

وبعد الصلاة، بتمرق من قدّامو سيّدة بملابس أنيقة، بيطلب منها المساعدة، بتحطِّلّو بإيدو مبلغ من المال.

ما في لحظات الشحَّاد بيترك محلّو وبيركض ورا السيِّدة الأنيقة بكلّ إحترام، وبيرجّعلها مبلغ من المال وبيشكرها على المساعدة. 

السيِّدة بتسألو :

«ليش ما أخدت كلّ المبلغ؟ هيدا إلك».

جاوبها :

«أنا طلبت من الربّ، عطاني حسب إحتياجاتي وأكتر، قلت لازم رجِّعلِك الباقي، هيك بتساعدي حدا تاني بحاجة إلُن».




الزوّادة بتقلّي وبتقلّك :


الربّ قلّنا :

«إسألوا تعطوا، أطلبوا تجدوا». 

حلو كتير نطلب بإيمان وبثقة، ونعرف إنّو الربّ بيعطي كلّ إنسان حسب إحتياجاتو، وخلّينا على طول نفكِّر إنّو في حدا غيرنا محتاج، والله معك.

المصدر : صوت المحبِّة