الله معك...


انسأل رِجَّال حكيم شو رأيو بالحوار، جاوب وقال :

«إذا أنا معي تفّاحة وحَدا تاني معو تفّاحة، إذا أنا عطيتو تفّاحتي وأخدت تفّاحتو بيكون كل واحد مِنّا ضلّ معو تفّاحة. 

بس إذا أنا عندي فكرة وحَدا تاني عندو فكرة، عطيتو فكرتي وسمعت فكرتو منكون كل واحد مِنّا صار معو فكرتين».




الزوّادة بتقلّي وبتقلَّك :


فكرة من عندك، وفكرة من عندي بيعملو كلّ الفرق، ومرّات كتيرة بيحلّو مشكلة واحد وحدو مش ممكن يحلّها.

هيك يسوع كان دايماً بالإنجيل يعلِّم تلاميذو من خلال الحوار وتقاسم الأفكار تَ يفسِّرلُن أسرار الله. 

خلّينا على مثال يسوع نتقاسم أفكارنا مع الآخرين وهيك حواراتنا بتوصّلنا للحقيقة، والله معك.

المصدر : صوت المحبّة