الله معك...



بيخبّرو عن مَرا مجوَّزة، بعد كَم شهر على زواجها بتتقدَّم بطلب بطلان زواج من المحكمة، والسبب إنّو من لَمّا تعرَّفِت عليه وهوّي بيِسكَر.

لَمّا سألها القاضي :

«ليش تجوّزتيه مازال عارفة إنّو بيسكَر»

جاوبت :

«ما كنت عارفة إنّو بيشرب لَيوم اللي شفتو واعي».




الزوّادة بتقلّي وبتقلَّك :


نحنا يلّي سكرانين بهالدني، لدرجة إنّو ما منفيق إلّا على شي صدمة كبيرة.

يا ريت منفتح عيونّا ومنشوف بقلوبنا ومنحكم بعقولنا، هيك منصير نعرف نختار الجوهري بدل القشور، ونغوص للعمق بدل ما نلتهي بالمظاهر الخارجيِّة، والله معك.

المصدر : صوت المحبّة