الله معك...


بيخبّرو عن راهب كان كلّ النهار يكتب الأحرف الأبجديِّة على الرمل ويمحيها، بيسألو ريِّس الدير :

«شو عَم تعمل»؟

جاوب الراهب بكلّ بساطة : 

«حابب صلّي بس مش عارف شو، عَم بكتب حروف الأبجديِّة على الرمل، محّيها وإرجع إكتبها، مَرَّة ورا مَرَّة والربّ بيألِّف الصلاة يَلّي بَدّو ياها من هالحروف». 




الزوّادة بتقلّي وبتقلَّك :


إذا كنت حاسس مش قادر تصلّي، أو مش عارف شو بدَّك تصلّي، فتاح قلبك للربّ وهوّي بيفوت بيشوف شو في جوّا بإيدو الخفيِّة، بيهديك وبيعلّمك كيف تصلّي.
خلّينا نتذكَّر على طول إنّو الصلاة هيّي حكي من القلب، وقدّ ما تكون بسيطة بتوصل أسرع على قلب الربّ، والله معك.

المصدر : صوت المحبّة