الله معك...


بحياتنا بتمرق إيّام بيكون فيها كلّ شي منيح، وأكتر من منيح، كلّ شي تمام : صحِّتنا منيحة، علاقتنا مع يلّي حوالينا بألف خير، الشغل تمام، متِّفقين مع يلّي حوالينا... الغريب إنّو بهيك إيّام ما منتذكَّر ربنا، مش لأنّو ما عِنّا وقت، لأ، بس لأنّو كلّ شيء ماشي تمام، ومفكّرين إنّو بقوِّتنا كلّ الأمور منيحة، المشكلة إنّو علاقتنا بربّنا صارت مصلحة وما منعرفو إلّا إذا كِنّا محتاجين.




الزوّادة بتقلّي وبتقلَّك :


الربّ واقف على بواب قلوبنا عَم بيدِقّ، مش ناطر نحنا نطلب مِنّو حتَّى ينفِّذلنا، ناطر بس نحنا نفتحلو الباب لمّا بيدِقّ، خلّينا اليوم إذا سمعنا صوتو ما نقسّي قلوبنا، والله معك.

المصدر : صوت المحبّة