الله معك...



بيخبّرو عن صبي قالتلو إمّو :


«إﺫﺍ ﺃكَلِت كل أكلاتك رح آخدك رحلة».

كمّل الصبي أكلو وقلّها لإمّو :

«يلاّ أنا جاهز للرحلة»


رَدّت الإمّ :

«تأخّر ﺍﻟﻮﻗﺖ ﻭبرّا في شبَح بياكل الزغار، ما فينا نروح هلّق».

قعَد الولد حزين هوّي وعَم يسمع كل الولاد عَم يلعبو بالشارع وما في حدا أكَلُن.

وبتكمِّل القصَّة، كِبِر الصبي ﺩﺧﻞ ﺍﻟﻤﺪﺭسة، قلّن المدير :

«يلّي بيكون صاحب سلوك حسَن رح تاخدو الإدارة رحلة بآخر الأسبوع».

تعب الصبي وإجتهد وكان هوّي المختار من قبل الإدارة.

خلَص الأسبوع، الصبي بيسأل المدير عن الرحلة، جاوبو :

«ﻋﻦ ﺃﻱّ ﺭﺣﻠﺔ عَم تحكي»؟

بتكمّل الحكاية، ولحتَّى يعوِّض البيّ عن تقصير المدرسة وَعَد إبنو إذا بيطلع الأوّل بالصف إنّو يشتريلو درّاجة رائعة بنهاية العام الدراسي.

خُلصِت السنة، الصبي طلع الأوَّل بالصف، قلّو بيّو :

«يا إبني الدرّاجة بتعرِّض للحوادث شو بدّك فيها»؟

بتكمّل الحكاية، كِبر الصبي وصار بارع بالكذب والخِداع.




الزوّادة بتذكّرني وبتذكّرك :


إنّو العِلم بالصغر مِتل النقش بالحجر، إنتبهو شو بدّكن تنقشو على ألواح قلوب ولادكُن، والله معك.

المصدر : صوت المحبّة