الله معك...


زوّادة اليوم هيّي دعوة لَكلّ مسيحي، وبالأخصّ اللي بَدُّن الخوري يكون على ذوقُن.


يسوع اختار ١٢ رسول يكونو عَم بيكمّلو الرسالة :

يِعلنو حُبّ الله للبشر.

وهالرسل بِدَورُن عُطيو السلطان لأشخاص من بَعدُن تَ بإسم يسوع يكَمّلو مشروع الله، أشخاص يَعطو للعالم كلمة الربّ جَسَدو ودَمّو.

كهنة ما مننسى أبدًا إنُّن بَشَر وعِندُن ضعفُن، بس لَمّا بيكونو عَم يعلنو كلمة الله أو عَم يخدمو أيّ سرّ من الأسرار السبعة، بيكونو سُفَرا محبِّة الله عالأرض، وهوّي يلّي اختارُن لحتّى من خلالُن يكون عَم يعطي ذاتو للعالَم.



الزوّادة بتقلّي وبتقلّك :


كلّنا شركاء بكهنوت يسوع المسيح، كلّنا مدعوّين لعَيش القداسة بحياتنا اليوميِّة.


خلّينا نكون الصوت الصارخ ببريِّة هالعالم، والله معك.

خدّام الربّ ®