الله معك...


بيخبّرو عن رِجّال مجنون، فات عَ محل لبيع الفخّار، كان حامل بإيدو عصا وصار يكسِّر غراض المحل.

تجمَّعو الناس من كلّ الشارع، وقفو مصدومين، ما حدا تدخَّل، وقفو يتفرَّجو عليه.

بعد كَم ساعة فات عالمحل رِجّال جايب معو معدّات، وقعد بكلّ صبر يلمّ الشقف ويركِّبُن بهدف إنّو يصلِّح يلّي بيتصلَّح.

بس مع الأسف ما تتخايلو المشهد، ما حدا إجا يتفرَّج عليه.




الزوّادة بتقلّي وبتقلَّك :


قدَّيش هنّي كتار المرّات يلّي منتجمَّع عَ أصوات التكسير، ومنوقف متفرّجين قدّام عِيَل عَم تتفكَّك، صداقات عَم تتكسَّر، أحبّاء عَم يتفرَّقو.

يا ريت منحاول نصلِّح قبل ما يصير التكسير، والله معك.

المصدر : صوت المحبّة