الله معك...


بيخبّرو إنّو بيوم من الإيّام، كان في إمرأة عَم تتوسَّل المسؤول بقطار الأنفاق إنّو يقبلها كعاملة تنظيفات بالمحطة، والمسؤول كان عَم يرفض طلبها، وكانت كلّ الناس مجمهرة عَم تتسمَّع لتوسُّلات المرا.

وفجأة بيطلع رِجّال من قلب العجقة، وبيقول للمسؤول :

«من اليوم هالمرا موظَّفة بالمحطة».

بيسُود الصمت، والكلّ بيسألو مين هوّي هالرِجّال، بسرعة الصمت بينكسر والرِجّال بيعرِّف عن نفسو إنّو محافظ ولاية شيكاغو. 

لَمّا سألوه :

«ليش حضرتك هون؟ وليش عَم تستعمل وسائل النقل العامِّة»؟ 

جاوب :

«كيف بدّي أعرف مشاكِلكُن إذا كنت عَم إستعمل سيّارتي الخاصَّة؟ ولون قزازها الأسود عَم يحجبني عنكُن»؟





الزوّادة بتذكِّرني وبتذكّرك :


إنّو السلطة خدمة، والكبير لازم يكون خادم للزغير، والله معك.

المصدر : صوت المحبّة