الله معك...


بيخبّرو عن رِجَّال ختيار بيضلّ حامل المسبحة بإيدو ليل نهار ٢٤/٢٤.

سألو أحد أحفادو :

«جِدّي المسبحة بتضلّ بإيدك طول الوقت، معقول كل الوقت بتكون عَم تصلّيها»؟

جاوَب الجِدّ :

«أكيد مش على طول بكُون عَم صلّيها».

الصبي بيسأل من جديد :

«مَدام مِش عَم بتصلّيها ليش بتضلّ بإيدك على طول»؟

جاوب الختيار وقال لحفيدو : 

«المسبحة الوردية هيّي إيد إمّنا مريم وأنا بحبّ على طول ضلّ ماسكلها إيدها، هيك بحسّ بالأمان والفرح، متل ما إنتَ بتحسّ لَمّا بتكون ماسِك إيد إمّك».




الزوّادة بتقلّي وبتقلَّك :


المسبحة مش بَس هيِّي إيد مريم، هيّي خِبرة حياتها مع إبنها يسوع المسيح.

خلّينا نعيشها، منكون عَم نمشي مع يسوع ومريم كلّ مراحل الفرح والألم، منِتنوَّر ومنصير شركاء بالمجد، والله معك.

المصدر : صوت المحبّة