الله معك...



بيخبّرو عن ثعلب عزَم عصفور عالغدا، وعمل شوربة طيّبة كتير. 

بس التعلب قدّ ما هوّي محتال، حطّ الشوربة بصحن واسع كتير، ما قدر العصفور بمنقارو ياكُل شي.

بعد فترة، قرَّر العصفور يردِّلّو العزيمة بِدَورو كمان، طبخ شوربة وحطّها ببريق ضيِّق كتير من فوق.

وُصِل الثعلب جوعان بدّو ياكُل، تفاجأ بالبريق يلّي ما بيفوت تمّو فيه.

أكل العصفور وحدو وشِبِع هوّي وعَم يِضحك على الثعلب، وأكيد كان عَم بيقلّو :

«متل ما بتعامل رح بيجي وقت وتتعامَل».




الزوّادة بتقلّي وبتقلَّك :


كانت الشريعة تقول :

«العين بالعين والسنّ بالسنّ»

أمّا المحبِّة فبِتقول :

«مَن ضربك على خدَّك الأيمن فدُرْ لهُ الخدَّ الآخر»، والله معك.

المصدر : صوت المحبّة