براءة طفل
30Sep
الله معك...
بيخبّرو عن صبي زغير قرَّب من الشرطي يلّي كان عَم يرتاح بفرصة الظهر، وسألو بكل بساطة وطِيبة :
«حضرتك الشرطي»؟
جاوبو الشرطي :
«نعم»
بيقلّو الصبي :
«خبَّرِتني إمّي إنّو لَمَّا كون بالطريق وحِسّ حالي إنّي بحاجة لأيّ شيء بقدر إجي لعندك وأطلب مِنَّك المساعدة، هل هالشي صحيح»؟
جاوب الشرطي :
«أكيد صحيح».
بيتابع الصبي الزغير وبيقول :
«يعني ممكن بهاللحظة أطلُب مِنَّك تُربُطلي شريط بوطي»؟
الزوّادة بتقلّي وبتقلَّك :
يا ريت بيكون عِنّا براءة هالطفل وبساطة هالشرطي، كانت الدِني بألف خير، والله معك.
المصدر : صوت المحبّة
تعليقات
