بيخبرو عن شبّ بيروح كلّ أحد عالقدّاس لأنّو تعوَّد إنّو هيك لازم يعمل من هوّي و زغير.

كان عاطول راسو غير مطرح و مش مصدِّق يقول الأبونا إذهبوا بسلامٍ حتَّى يفِلّ.

مرَّة كانت قاعدة حدّو ست ختيارة شافها كيف عم تصلّي كل الوقت بإيمان... بس خلص القدّاس سلَّمِت عليه و قالتلو : 

يا إبني انا عايشة وحدي و هالساعة من الوقت بتفوًّت الفرح عا قلبي، كتير حلو إنّو بتشاركها مع ولاد الضيعة!

حَسّ هالشبّ بالذنب إنّو هوّي كان بس حاضر بالجسد و غايب بالروح...

من هاليوم بطّل القدّاس إلو عادة و بس جدَّد قلبو و صار يروح تا يتلاقى بالربّ و بإخواتو بالرعيِّة و فِهِم قوِّة الصلا الجماعيِّة اللي بتدقّ بواب السما!

المصدر : صفحة Jesus My Lord