سبب النجاح
17Dec
الله معك...
بيخبّرو عن شارلي شابلِن، لَمّا سألو صحافي بإحدى المؤتمرات الصحافيِّة :
«ممكن تحدِّدلي مين هوّي الشخص أو الأشخاص يلّي كانو وراء نجاحك؟».
جاوب بكلّ بساطة :
«وراء نجاحي أشخاص مش شخص واحد، عددن 10».
بيقاطعو الصحافي وبيقلّو :
«ممكن نعرف مين هنّي»؟
جاوب :
«إمّي وبيّي هنّي سبب وجودي، وولادي التمانية اللي أنا سبب وجودُن».
الزوّادة بتحذِّرني وبتحذّرك :
من فيروس قديم جديد، عوارضو بتظهر عَ الشكل التالي :
بس ننجح بيكون كلّ الفضل لإلنا ولجهدنا الشخصي، ولَمّا منفشل بيكون الحقّ على الآخرين، أحلى ما قول الحقّ على الربّ، والله معك.
المصدر : صوت المحبّة
تعليقات
