الله معكن...


بيخبرو عن عصفور زغير طاير بالغابة و كان شتي و برد كتير. 

بيِسمع صوت حدا عم يبكي و بيشوف غزال زغير مضيِّع عيلتو...

صار يغنّي هالعصفور بصوتو الحلو قال يمكن هالشي يخفِّف عن الغزال. 

و هون كانت المفاجأة!

وُصِل صوت العصفور لبعيد كتير و صاروا الحيوانات اللي سمعوه يلحقوا الصوت حتَّى يفرحوا بالألحان الحلوة و من بين اللي إجوا عيلة الغزال!




الزوّادة بتقلنا :


العصفور الله عاطيه نعمة الصوت لمّا تشارَكها مع الباقيين عمل فرق كبير و نحنا هيك إذا منتشارك مع غيرنا لو أزغر النِعَم اللي ربنا عاطينا اياها ما بتعرفوا بحياة مين عم تعملوا فرق و يكون بحاجة إلو كتير! و الله معكن.

المصدر : صفحة Jesus My Lord