هوّي و زغير الطفل بتضلّ إمّو عتلانة همّو و خيفانة عليه و عيونها عشرة عشرة كيف ما تحرّك.


بتمرق الإيّام و بيكبر هالطفل و بتكبر الإم و بتنقلب الأدوار بيصير هوّي عتلان همها و خيفان عليها!


هيدا مبدئيًّا اللي بيصير عالأرض بس بالسما كلّ المعادلات مقلوبة!


إمنا مريم عينها علينا من وقت ما نخلق لآخر يوم بحياتنا و من بعدو كمان!


مش نحنا كل ما صلّينالا منقلها :

يا قدّيسة مريم يا والدة الله صلّي لأجلنا نحن الخطأة الآن و في ساعة موتنا آمين؟


يا مريم، يا إم يسوع، يا ممتلئة نعمة متل ما قال الملاك، تشفّعيلنا عند إبنِك اللي ما بيرفضلك طلب.


إحمينا، أطلبي نعمة الصحَّة لأهلنا و رفقاتنا و الراحة الأبديِّة للي سبقونا عالسما...
نِهاية شهر مريمي وبداية شهر قلب يسوع الأقدس مباركة عليكن جميعاً. آمــــــــــــين.

المصدر : خدّام الربّ - صفحة Jesus My Lord