بيخبرو عن شجرة صنوبر زغيرة كتير كانت تتفرَّج عالناس يجوا يختاروا الشجرات الكبار تا يكونوا شجر عيد الميلاد و هيّي لأ!

كانت تحسّ حالها بلا أهميِّة  و لا مرّة حدا انتبهلها... مرّة بتجي عيلة فقيرة عم تفتِّش عا حطب بالحقل بيشوفوا الولاد هالشجرة و بيطلبوا من أهلُن ياخدوها معن عالبيت للعيد و هيك صار...

صح ما عندن زينة كبيرة و جديدة بس علَّقوا عليها الولاد رسماتُن و حطّوا وراق ملوَّنة و ضَو زغير و صاروا يرقصوا و يغنّوا حولها!

لأوّل مرَّة حسِّت حالها هالشجرة مهمِّة كتير مبسوطة و فِهمِت إنّو فرَح قلبك الحقيقي هوّي اللي بتحسِّس غيرك فيه!

لما تفرِّح حدا بتفرَح إنتَ كمان!

و لمّا تحبّ حدا بتنحَبّ إنتَ كمان!

هيدا هوّي العيد مع يسوع!

المصدر : صفحة Jesus My Lord