الله معك...


حابِب أنا وإنتو اليوم نتأمَّل بهالكلمات :

أعمق خوف هوّي لَمّا نحِسّ إنّا مش قدّ الحِمل!

أعمق خوف هوّي خوفنا من نُورنا مش من ظلمتنا!

أكبر خوف لمّا منلعب دور الزغير بوقت يلّي قيمتنا أكبر مِمَّا منتصوَّر، أكبر خوف لمّا بيسطع نور المسيح من خلالنا ومنصير خايفين إنو يزعج الآخرين بدل ما يساعدُن على إكتشاف الزواية المعتّمة بحياتُن.




الزوّادة بتقلّي وبتقلَّك :


ما تخاف تقوم بالأعمال الكبيرة والزغيرة يلّي بتمجِّد الله وبتسمح إنّو نورو يكون عَم بيشِعّ من خلالك.

هالكلام مَنّو موجَّه لأشخاص معيَّنين، إنَّما لكلّ واحد مِنّا، يسوع قال :

«أنا نور العالم»

وقَلّنا :

«أنتم نور العالم»، والله معك.

المصدر : صوت المحبّة