الله معك...



بيخبّرو عن المُتنبّي إنّو بيوم من الإيّام حضر إلى مجلس سيف الدولة، لحتَّى يمتدحو متل العادة. 

بيقلّو أحد الشُّعَرا يلّي كان كتير يغار مِنّو لحتَّى يحرجو :

«شِفتك جايي من بعيد افتكرتك إمرأة». 

جاوبو المُتنبّي بكلّ ذكاء :

«شِفتك عن قريب افتكرتك رِجَّال».




الزوّادة بتقلّي وبتقلّك :


إذا رفَعت من شأن الناس حتَّى لو كانو خصومك بترتفع، أمَّا إذا جرَّبِت تحطّ من قَدرُن بتكون عَم بتحِطّ من قدرَك، تذكَّر بالكَيل الَّذي تكيلُ فيه يُكال لكَ، والله معك.

المصدر : صوت المحبّة