بيخبرو عن معلمة علَّمِت تلاميذها غنيِّة لعيد الأمّ.

تمرَّنوا كتير و كلّ شي منيح لوقت ما وصل نهار الحفلة. 

طلعوا الولاد عالمسرح بس في بنت صارت تعمل حركات بإيدَيها و تمها و ما كانت تغنّي مع رفقاتها.


إستحت المديرة قدّام الأهل من تصرُّف هالتلميذة و المعلمة كمان و قرَّروا يقاصصوها لأنّو خرَّبِت الحفلة.

لمّا سألوها ليش هيك عِملِت قالتلن لأنّو إمّي عم تِحضَرني! 

عصَّبوا منها زيادة بس كمَّلت و قالت : 

إمّي ما بتسمع و ما بتحكي و أنا حبَّيت إنها تفهم كلمات الغنيِّة الحلوين متل كلّ الأمَّهات كرمال هيك كنت عم ترجملها بحركات الصمّ و البكم!

إستحوا من حالن عا تصرُّفُن و بدل ما تتقاصص البنت تكرَّمِت قدّام الكل!

ما تِحكُم عا غيرك أبداً !

ما تنسوا إنّو هيك عَلَّمنا الربّ يسوع! و الله معك.

المصدر : صفحة Jesus My Lord