الله معك...


بيخبّرو عن تلات رجال عميان، فاتو على غرفة فيها فِيل، ومن بعد ما طلعو من الغرفة سألوهن : 

«شو في بقلب الغرفة»؟

الأوَّل قال : 

«في أربع عواميد تخان لأنّو تلمَّس إجرَين الفِيل»

التاني قال :

«في مكنسة كبيرة لأنّو تلمَّس دنب الفيل»

والتالت قال :

«في نَربيش مَيّ لأنّو لَمَس خرطوم الفيل».


كِلُّن كانو على حقّ وكِلُّن قالو الحقيقة.




الزوّادة بتقلّي وبتقلَّك :


ما في حدا بالحياة بيملك الحقيقة كاملة، خلّينا ننظر للأمور كلّ واحد من منظارو، نكون كتير موضوعيّين، نوَحِّد نظراتنا، وهيك الحقيقة بتكون كاملة، مش منقوصة ولا مشوَّهة، والله معك.

المصدر : صوت المحبّة