الله معك...


بيخبرو عن صبيِّة ورثت من جدها جنينة كبيرة و حلوة.

ما قبلت إلّا هيّي تهتمّ فيها بإيدها.

مرّة شافت عالإنترنت محل ببيع شَتِل و زهور و حبِّت كتير شجرة شكلها غريب و فكّرت إنها بتلبق مع جنينتها.

طلبتها و زرعتها عالحدود بينها و بين جنينة جارها.

كتير إهتمِّت بهالشجرة و كبَّرتها بس كان فيها مشكلة : ما عم تزهّر متل ما كانت بالصورة!

زعلت الصبيّة و حتّى فكّرت إنّو تقصها!

لوقت ما مرّة دقّ التلفون طلع جارها الختيار عم يشكرها عالزهرات الحلوين اللي زيّنولو جنينتو!

ما فهمت بالأوّل بعدين قلها إنّو شجرتها الجديدة تمدّدت عالحيط اللي بيناتن و ملّتو زهور!



الزوّادة بتقلّي وبتقلّك :


لمّا تعمل شي منيح و لو ما شفت إنت النتايج بسرعة ما في شي بيروح ضيعان و رح يزهّر مطرح ما لازم! مع

ربنا ما في خير مهدور، كلّو بيرجع وقت اللازم و مع الأشخاص المناسبين... والله معك.

المصدر : صفحة Jesus My Lord