الله معك...


بيخبّرو عن الأديب اللبناني والصحافي رشدي المعلوف أهداه صديقو كتاب إسمو :

«مختصر مفيد».

وهالصديق كان ناطر بفارغ الصبر كَم كلمة كشكر أو تعليق على الكتاب.

بس هالرسالة يلّي ناطرها ما وصلت.

وبعد طول إنتظار، بيكتب لرشدي المعلوف وبيسألو :

«ما وُصلَّك كتابي مختصر مفيد»؟

جاوبو :

«وصلني المختصر وأنا بعدني ناطر المفيد».




الزوّادة بتذكِّرني وبتذكّرك بالمتل اللبناني :


«خير الكلام ما قلَّ ودلَّ، عَ أمل إنّو كلامنا يقلّ بس يضلّ يدلّ»، والله معك.

المصدر : صوت المحبّة