بتعرفو من وين إجا إسم الشعنينة؟

هاليوم اللي فيه منتذكّر دخول يسوع عا أورشليم.

كلمة شعانين هيّي من أصل عبري "هوشعنا" اللي بتعني : خلّصنا!

و الشعب بس شاف يسوع صار يصرخلو خلّصنا خلّصنا لأنّن كانو عم يعانو من حكم الرومان اللي عذّبو كتير ناس و قَتَلو ألوف العالم.

هالناس من ألفين سنة عرفو إنّو يسوع هوّي الخلاص.

و نحنا بعد ألفين سنة خبرة بالحياة ما حلنا نعرف إنّو ما في خلاص إلّا بالمسيح و ما في غيرو طريق للسما!؟

ليش بعدنا عم نبعد عنّو!؟...

اليوم فرصة إلنا نعيد النظر بكلّ حساباتنا و نتحضّر حتّى تكون قلوبنا كلها أورشليم و نستقبل يسوع فيها عن جديد! والله معكن...

خدّام الربّ ®