بيخبرو عن صاحب شركة أحذية بعت موظَّف عندو عا بلد بعيد تا يشوف إذا في إمكانيِّة يفتح مصنع هونيك.

رجع الموظَّف و عِمِل تقرير مكتوب فيه إنّو ما فيهن يفتحوا مصنع بهالبلد لأنّو الناس بيمشوا حافيين ما بيستعملوا أحذية. 

رجع صاحب الشركة بعت موظَّف تاني تا يتأكَّد، قام الشب التاني رجع محمَّس كتير و كتب بتقريرو إنّو عندن فرصة كتير كبيرة ينجح مصنعهن هونيك لأنّو بعد ما حدا سبقهن و قدّم هالخدمة للناس الموجودين بهالبلد!

أوقات كتير كلنا منكون عم نتطلّع عا نفس الشغلة بس كلّ واحد بيشوفها عا طريقتو و من وجهة نظرو.

إذا إنت إيجابي بتشوف فُرَص و إشيا حلوة و العكس صحيح! 

اللي عندو يسوع بقلبو و محور حياتو ما في ما يكون بيشوف الناحية الحلوة بكلّ شي!

المصدر : صفحة Jesus My Lord