الله معك...


بيخبّروا عن شاب بيّو كان مختار الضّيعة، وكانوا الكلّ يقصدو لحتّى يحلّلّهن مشاكلهن وكان على طول يعطين أنصاف حلول، بيوم من الإيّام سألو الإبن شو تعلّم من خبرة بيّو؟

جاوب بكلّ حكمة : تعلّمت إنّو أنصاف الحلول ولا مرّة بتكون حلول وللتّأكيد على هالكلام نصف شربة ما بتروي عطشان، ونصف وجبة غذائيّة ما بتشبّع جوعان، ونصف طريق ما بتوصل لأي مكان، ونصف فكرة ما بتثقّف متعطّش للعلم والمعرفة.




الزّوّادة بتذكّرني وبتذكّرك :


إلهنا إله غيور ما بيقبل بالأنصاف، بدّو كلّ قلوبنا وما بدّو يانا فاترين، خلّينا نسعى لحتّى نكون حارّين أصحاب قلوب متّقدة، والله معك.

المصدر : صوت المحبّة