الله معك...


بيخبّروا عن رجَّال كان عم بيفتّش عن سرّ القوّة والإحترام، جرّب كلّ الطّرق بس مع الأسف ما كان عم يوصل لنتيجة ترضيه، قرّر يستفيد من خبرة أحد النّسّاك يلّي عايش على راس الجبل بالضّيعة، طلع لعندو عاش معو نهار كامل سألو عن سرّ القوّة والإحترام، جاوبو بتفكير النّاس الكره بيخلّينا نكون أقوياء، بتفكير يسوع الحبّ والمغفرة بيخلّونا نكون أبطال وأقوياء، بتفكير النّاس القساوة والبغض بيخلّونا نكون محترمين، بتفكير يسوع الوداعة والحكمة بيخلّونا نكون محترمين، بنهاية النهار رجع الشّاب على بيتو فرحان ومقدّر ذاتو.




الزّوّادة بتقلّي وبتقلّك :

مدرسة الحياة ما بتلاقي معناها وكمالها إلّا لمّا يسوع بيكون المعلّم يلّي لازم نتتلمذ على إيديه، هوّي الكتاب يلّي لازم ندرس في هوّي دستور لحياتنا هوّي القوّة ومصدر الإحترام، والله معك.

المصدر : صوت المحبّة