ما أعظمك يا ربّ، إنت اللي خلقت الكون بجمالو وبأسرارو المخفيّة اللي ما ممكن لأيّا عقل إنّو يستوعبا، منسبّحك ومنعظّمك ومنشكرك.
بلّشنا سنة جديدة يا ربّ السما والأرض، على أمل إنّو الحياة معك تقوى أكتر وأكتر.
بلّشنا سنة جديدة يا ربّ السما والأرض، على أمل إنّنا ننما فيك أكتر وأكتر.
بلّشنا سنة جديدة يا ربّ السما والأرض، على أمل إنّو كلامك يكون نهج ودستور حياتنا.
بلّشنا سنة جديدة يا ربّ السما والأرض، على أمل إنّو حبّك يكون مغلّف حياتنا.
بلّشنا سنة جديدة يا ربّ السما والأرض، على أمل إنّا نكون تعلّمنا من أخطاء السنة اللي قطعت.
بلّشنا سنة جديدة يا ربّ السما والأرض، وبدنا نغوص بحبّك أكتر ، ونتأمّل بعجايبك أكتر ، ونسلّمك ذاتنا أكتر ، ونحاول نبتعد عن الشرير أكتر وأكتر.
/الخوري يوسف بركات/
