الله معكن...
بيخبّروا عن أحد الآباء كان عم بيوصّي تلاميذو وصاياه الأخيرة وبيقلّن في تلاتي لازم تشتغلوا لحتّى تضبطوهن: اللّسان، والنّفْس، والأعصاب، وفي تلاتي لازم تدافعوا عنهن حتّى الإستشهاد الدّين، والشّرف، والوطن، وتلاتي لازم تتخلّصوا منهن الصّنميّة، والنّميمة، والحسد، وتلاتي ممتازين لحياتكن الروحيّة الصّمت، والمغفرة، والمحبّة ، وتلاتي لا بد منّن الميّ، والهواء، والموت، وتلاتي لازم تكرهوهن الكذب والتّكبّر، والغباء، وتلاتي لازم تحبّوهن الّتقوى، والصّراحة، والشّجاعة، وتلاتي بيخلّوا حياتكن مشرقة، الأمانة والصّدق، والإجتهاد.
الزّوّادة بتقلّي وبتقلّك :
رقم تلاتي هوّي رقم كمال، يعني إذا حبّينا لازم حبنا يكون ثالوثي، وإذا جاهدنا لازم نتنبّه لمجرّب الساعة الثالثة، وإذا صلّينا لازم ننتظر إطلالة نجمة الصّبح يلّي بتشرق حوالي السّاعة تلاتي، والله معكن.
المصدر : صوت المحبّة
