بيخبرو عن سمكة زغيرة عم تحكي مع إمها و عم تقلّها :

أنا طموحي أوصَل للمحيط.

إستغربِت الإم و قالِتلها :

ما نحنا هون بالمحيط!

جاوبِت الزغيرة :

هيدا مش محيط هيدا بس مَيّ أكيد المحيط أحلى من هيك بس إنتي ما بدِّك تخلّيني روح!

إستفيد من خبرة أهلَك بالحياة!

إيه هنّي بيعرفوا أكتر و إيه هنّي مرَق عليهن كتير و إيه هنّي بيشوفوا إشيا نحنا ما مِنشوفها!

تذكّر وصيّة الله :

أكرِم أباك و أمّك... إحترِم أهلَك و حبّهن و تحاوَر معُن و إذا متخانقين إنت و اياهُن تصالَح معُن... بعدين عبارة يا ريت ما بتفيد...

الله يِجمَع كل العِيل بشفاعة إمنا مريم و مار يوسف و يسوع! آميـــــــن.

المصدر : صفحة Jesus My Lord