الله معكن...
بيخبّروا عن رجّال بيحب الصّيد كتير، بيوم من الإيّام هوّي وعم يتصيّد أرانب بالغابة، وقع بجورة عميقة، لحسن حظّو ما صرلو شي، وأكتر من هيك بيلاقي بالجورة سلّم خشب بس كان الرّجال كتير تعبان، فكّر وقال خليني إرتاح شوي مدام السلّم حدّي موجود، بس مع الأسف بلّش يحسّ بالبرد، قال هالسّلم كتير طويل ما بيأثّر إذا بولّع منّو درجتين بتدفى عليهن وبرجع بطلع بس إرتاح، وصاروا درجتين يجرّوا درجتين وما عاد قادر إنّو يطلع لأنّو تدفّى على كلّ درجات السّلم.
الزّوّادة بتقلّي وبتقلّك :
بالحياة الرّب بيعطيني وبيعطيك فرص كتيرة للخلاص، ما لازم ولا مرّة نحرق فرص الخلاص يلّي الرّب بيعطينا ياها كرمال راحة موقّتة، والله معكن.
المصدر : صوت المحبّة
