منقرا أوقات ع أوراق : من فضلكم ما ترسلو ورد، فكرو بالأولاد المعاقين.
فكره كتير مهمّه، بتعني إنّو لازم نتصرّف تجاه الأحياء مش بس تجاه الأموات.
إذا كمّلنا التفكير، بتقدر الجمله تصير : ما تنطرو حتى تبعتولو ورده لمّا بيموت، ودّولو هلّق كلمه بتعبّر عن الحب، عن الصداقه.
وحتى من دون ما تودّي كلمه، قولها هلّق، في كلمات إذا نطرت حتى تنقال بتصير صالحه تنكتب ع القبر.
الزوّاده بتقلّي وبتقلّك :
الإنسان مش بحاجه لتأبين بعد موتو، إنما أثناء حياتو. والله معك...
المصدر : صوت المحبة
