أوقات في ناس بيكذبو عليك وبِخبرو خبار وإنت بتكون عارف إنّن عم يكذبو وما بتقول شي.
هلقدّ الخطيّة ملَبكِتن حتّى عم يبرّرو وهلقدّ آخدة من وقتن!
بيألفو الإشيا و بيعيشو معها وبيقنعو حالن فيها بس ما بيعرفو إنّو اللي عم يشوف الإشيا من برّا بيشوف الصورة كاملة وأوضح بكتير والكذب بيكون مضوّي عا حالو ومكشوف!
يمكن بيكذبو لأنّو خايفين تزعل إذا عرفت موضوع معيّن، يمكن بيكذبو لأنّن معوّدين ما يقولو الحقيقة، يمكن بيكذبو تا يخَلصو حالن من شي موقف بس بالآخر الكذب كذب شو ما كان سببو...
ربنا علّمنا ما نحكي كتير ونقول الضروري "الحقيقي" و بس!
"السَّارِقُ خَيْرٌ مِمَّنْ يَأْلَفُ الْكَذِبَ، لكِنَّ كِلَيْهِمَا يَرِثَانِ الْهَلاَكَ" (سفر يشوع بن سيراخ ٢٠: ٢٧)
والله معكن...
المصدر : صفحة Jesus My Lord
