"المسمار زارو قبل ما يزورك ! "

بكل مرة بتشعر إنك نصلَبت،بكل مرة بتستغرب ليش المسمار بإيدك عميق وقاسي،
بتسألو: ليش؟أنا بآمن فيك، ومتّكل عليك..
ليش لازم إتألم؟بلحظة، بيجيك الجواب؛إنو إيدو فوق إيدك،إيدو فوق إيدك، والمسمار زارو، قبل ما يزورك..

دايمًا منعتب عالله،ليش بعدنا عم نوجَع، رغم إيماننا؟

ليش بعد عنا مشاكل، رغم حضور الله بحياتنا؟

ولا مرة فكرنا، إنو لولا حضور الله، قديش كان ممكن يكون الوجع أكبر!

ولا مرة فكرنا، شو كان ممكن تعمل فينا مشاكلنا، لولا حضور الله بحياتنا!


تذكّر دايمًأ، إزا إنتا نصلبت، هوي نصلب قبلك، وبعدو عم ينصلب، كرمالك، ومعك، وعنّك..

تذكّر دايمًا، إنو قلبو عليك، تيعطيك..وإيدو فوق إيدك، تياخد عنك..


/الأب بيتر حنا/
#خدّام الرب