حجر ثغرة بطريق الكمال!

خبريتنا اليوم عن النحّات الشهير مايكل أنجلو...
زارو شخص بالوقت اللي هوي ع وشك الإنتهاء من إحدى منحوتاتو.

بتاني زيارة لأنجلو، تعجّب الزايرلما شافو بعدو عم يشتغل بذات التمثال.

سألو بتعجّب : أكيد ما كنت بكل هالفترة عم تشتغل بهالتمثال..

جاوبو أنجلو :
مبلا، كنت عم إشتغل في كل الوقت...
كنت عم نقّح هالجهة، ونعّمت هالجهة من الوجّ.. ونفرت الشفاف شوي، وبيّنت عضلات الإيدين، والإجرين وكنت منهمك بوضع اللمسات الأخيرة للتمثال.

قلّو الزاير :
ولكن بيتهيّألي هالتفاصيل الصغيري مش مهمّي إطلاقاً لا بل بالنسبة لإلي هيي تافهة جداً.

ساعتا تطلّع فيه مايكل أنجلو، وقلّو :

بالنسبة لإلك هيدا أمر تافه.
لكن بالنسبة لإلي هالتفاصيل التافهة هيّي حجر ثغرة بطريق الكمال.. والكمال منّو تافه أبداً.



الزوادة إلي وإلك بتقول :

إنت شو بدكّ؟
حياة عاديّة متل الكل، ماشي حالا معقولي، مليانة بالتفاصيل الصغيري يللي بدا شغل؟
أو حياة ما عم توقّف الشغل فيهالأنك ما رح تقبل بأقلّ من الكمال؟
والله معك...


#خدّام الرب