سنة عن سنة
عم يغلا عا قلبي حبك الهنيعم يزيد فرحي ويكبر لأنو قريباً رح نلتقي !
سنة عن سنة
عم يكترو الشعرات البيضا وخطوط التجاعيد.
عم يكبرو الولاد وصار همّن كبير.
عم تكتر المشاكل وخطط عدو الخير وعم تنقص بقلبي محبة هالدني !
سنة عن سنة
عم أفهم تدابيرك الكاملة الأوصاف.
محبتك حنانك وإهتمامك فيي.
عنايتك رحمتك وحرصك علييبوجه الأوبئة، المصايب والضيقات !
شو هم إذا عِلي أو وُطي سعر الدولار؟؟
شو هم إذا نزلت أو زادت الأسعار؟؟
شو هم بقي رصيدي أو صار حبر عا ورق؟؟
إذا كنت يا ربي حدّي ما فيه حدا غني قدي!!
ما بخاف من الموت الأول
ما بخاف من الموت الثاني
ما بخاف من يلي بيقتل الجسد
لأنو موتك يا إلهي أحياني إلى الأبد !
سنة عن سنة
عم يمتلي قلبي من حبك الهنيوعم حبك أكثر وأكثر
يا حبيبي يا غالي
يا أغلى من حالي !
وكل سنة بحبك أكتر من سنة !
/جيزل فرح طربيه/
