صباحي منوّر اليوم بنورك يا يسوع، يا نور العالم.
انا بآمن بحضورك بحياتي، وهيدا الحضور هوي جوهر ايماني.
يا ربي يسوع، متل ما بيّنتلّو لنيقوديموس، هالختيار الجليل، انو الحياة الأبدية هيي لكل انسان بيآمن فيك وبيعمل بكلامك، انا كمان هدفي اني اعمل بحسب مشيئتك، انت يا رب اللي صرت انسان تا تقضي عا ظلام الخطية اللي بيحاول يلفّ حياتي، وتشيلني من ظلمة العالم ومغرياتو وترفعني لحضنك، للنور الأبدي.
ولمّن دعيتنا ب"نور العالم" تا تصيرنا نورك للناس، كان هدفك هوي خلاصنا لأنّك بتحبّنا، ما بتريدنا نهلك بخطايانا.
لهيك رح ضلني حاول اهرب من الظلمة، وقرّب لعندك تا عيش بنورك، لأنك انت نوري وخلاصي وحصن حياتي، ما رح خاف.
/الخوري يوسف بركات/
