كان يسمع كلمة امّو!

بيخبرو عن صبي زغير عم يتشكّى إنّو ما بدّو ياكل اليوم كمان بازيلّا و رز متل مبارح.

قالتلو إمّو : لازم نخلّصن حرام ما فينا نكبّن في كتير ناس ما عندن اكل.

اتطلّع الصبي عا صورة مريم و يسوع و سأل إمّو : ماما، العدرا كمان ما كانت تقبل يسوع ما يخلص صحنو و كانت تقلّو لازم ناكل كل شي؟

قالتلو إمّو: اكيد، و هوّي كان يسمع كلمة امّو!

ببداية الشهر المريمي المبارك علمينا يا مريم نقدّر نعم الله بحياتنا من لقمة الخبز لأكبر النِعَم...
تشفّعيلنا، خلّي بخّورك يعبق بكل بيت، كوني رفيقة كل عيلة بتكرمك ببيتها، لفّي لبنان المكرّس لقلبك بتوبك...

يا امّنا السماويّة أغمرينا بالسلام و الحب و الأمل و الرجا بشهرك المقدّس و كل يوم... آمــــــــــــين.


المصدر : صفحة Jesus My Lord