لا تخف لا تخف أنا معك
قلناها من قبل و رح نضل نعيد حتى نوصل للهدف اللي حطو يسوع!
بالإنجيل مكتوبة عبارة لا تخف ٣٦٥ مرة عا عدد أيام السنة!
ربنا عم يذكرك كل يوم إنو هوي حدك و مش تاركك و إنت بعدك بتخاف و بعدك بتعتل هم و بتتكل عالناس يحللولك مشاكلك بوقت عندك حدا اقوى بكتير ، دايما حاضر، دايماً فاضيلك و ناطرك، دايما بيسمعلك قد ما كانت ضجة حياتك عالية.
إيام منكون بموقف منقول هيدي النهاية و هون بتخلص حياتي شوي ما منحس إلا إيد خفية سحبتنا عا بر الأمان و بعدنا منخاف!
بعتلنا ربنا إبنو الوحيد اللي مات فدانا و بعدنا منخاف، كل فترة بيطلع من بلادنا قديس و أعاجيبن واصلة عا كل البلاد و بعدنا منخاف!
كل يوم بآخر الزوادة منقلكن الله معكن مش لأنو تعودنا هيك لأ لأنو عنجد الله معكن!
اليوم بالجمعة العظيمة شو بدك بعد يا إنسان تا تصدق إنو الله حدك و تسلمو حياتك؟!
بيقولو شخصين بيتتبعولك حياتك و خبارك بأدق التفاصيل: اللي بيحبك كتير و يلي بيكرهك كتير، لازم يكون عندك الإيمان إنو الله محبة و بس تعرف قديش بيحبك بتتأكد إنو متابعلك حياتك لحظة بلحظة و ماشي حدك و قبل ما تتفركش بيكون مهديك.
و اذا شي مرة وقعت مش يعني هوي مش هون، يعني الوقعة ما رح تأذيك بس رح تقويك اكتر.
بس تصير من قلب مشكلتك تشكر الله بدون خوف نيالك لأنو الله معك و إنت عارف!
الله معنا فمن علينا!
#خدّام الرب
