الفارة والبسينة
06Oct
بيخبرو عن فارة بتخاف كتير من البسينة و عاشت كل حياتها مخبّاية و ما تسترجي تضهر من وِكرها حتّى ما تشوفها البسينة.
و لا مرّة راحت مع رفقاتها الفيران يلعبو أو يضهرو عالجنينة، هنّي كانو يتسلّو و عايشين حياة حلوة و ينتبهو بنفس الوقت بس هيّي ضلّت مسكرة عا حالها مفكرة إنها عم تحمي حالها بس بنفس الوقت ما عاشت حياتها!
إنّك تعرف الشر و الخطر و تبعد عَنّو كتير منيح، بس كمان ربنا عطانا قوّة و حكمة و حياة حلوة نعيشها!
إنتبه و تصرّف صحّ و عيش بمخافة الله و بالإتّكال عليه و ما تخلّي الخوف يسيطر عليك.
ربنا ما خلقنا جبناء، ربنا قلنا 365 مرّة ما تخافو بالكتاب المقدّس، ربنا بيقلنا انا معكن، ربنا بيقلنا ها أنا أرسلكم كالحملان بين الذئاب...
بيعرف منيح نحنا وين و لشو معرّضين ما تضلّو عتلانين هم!
المصدر : صفحة Jesus My Lord
تعليقات
