بيخبرو عن زلمي عندو جنينة زارع فيها فواكه و قمح.

مرّة كان قرَّب موسم القطاف و هوي ناطرو تا يبيع، وعي لاقى رف عصافير قاعدين بالشجرات و أكلو كل شي!!!

راح تعبو ضيعان كل الزّرع و السقاية و الإهتمام راحو...

شو بدو يعمل؟؟

فكّر يقوصهن كلن يفشّ خلقو بس بالنّهاية لو ماتوا ما رح يرجع المحصول...


نحنا هيك بحياتنا أوقات كتير منكون تعبانين بإشيا و ناطرين "المحصول" بيِجي حدا و بيخرّب كل شي...
شو العمل؟
بنتقٍم منو؟
بئذيه؟
شو رح إستفيد؟؟

يمكن الأحسن إرجع إزرع و ما إيأَس بس هالمرّة بنتٍبه أكتر...
رد الشّر بالشّر ما بيفيد...
بس تردّ الشّر بالخير قوتو وحدها بتضعف مش عن عبث قلنا يسوع من ضرَبك على خدّك الأيسر أدِر له الأيمن!

شو ربنا بدو يانا نضلّ عم ننضرب!!!
هوي عارٍف منيح إنو الخير و التّسليم للرّب هنّي اللي بيكسرو قوة الشّر...

فكرو فيا... والله يرافقكن

المصدر : صفحة Jesus My Lord