بيخبرو إنّو بالفترة اللي انقطع فيها البنزين في زلمي سيّارتو فيها شوي و اضطرّ يضهر قال إلّا ما لاقي شي محطّة تعبّيلي.

برم كل محطّات المنطقة ما قدر يعبّي و قطعتو السيّارة...

هوّي و واقف ناطر تاكسي وِقفو حدّو ناس ما بيعرفن سألوه : عطل أو بنزين؟
قلّن بنزين...

نزل الشب سحب من سيّارتو قنينة عطاه ياها تا يوصل عا بيتو!

بعد في ناس مش أنانيّة بتتشارك النعمة مع غيرها، بعد في ناس بتعمل منيح بلا مقابل و بلا مصلحة، و الأهم بعد فيه محبّة!

بتعرفو، المحبّة الحقيقيّة هيّي لمّا يكون حالك عا قدّك و ما عندك زيادة و إذا عطيت حدا اليوم يمكن ما يبقالك لبكرا، بس لمّا تتقاسم هالشوي اللي إلك مع غيرك و تترك بكرا لتدبير ربنا كون أكيد إنّك ما بتندم...

يا رب تفيض خميرة محبتك بقلوبنا و عيالنا و بيوتنا و نحنا ننقلها لكل شخص بطريقنا...آميـــــــن.

المصدر : صفحة Jesus My Lord