بيخبرو عن زهرة بجنينة.

هونيك كل الوردات حمر إلاّ هيّي صفرا.

ما كانو يحبّوها و لا يحكو معها و الكل يدل عليها.

إجو ناس يزورو الجنينة ما لفتلُن نظَرُن غيرها لأنها مش متل الكل!


الزوّادة اليوم لفتة لضحايا التمييز حسب لون البشرة وين ما كانو بالعالم و خصوصًا بلبنان.

منقلّن: إنتو حلوين كيف ما كنتو، إنتو خلقتو عا صورة الله و مثالو.

كيف ما عاملوكُن البشر و شو ما سموكن تسميات بشعة هيدي بتوصُف بس قلب صاحبها ما بتوصُفكن الكن.

كل شخص تصرفاتو هيّي اللي بتلَوّنو و ابدًا مش لون بشرتو...
الله يرافقكن و يلوِّن حياتكن بالرحمة و المحبة و الحكمة.

المصدر : صفحة Jesus My Lord