بيخبرو عن بنت زغيرة كانت مع إمها بالقدّاس و الأبونا كان عم يوعظ و يقول: ربنا بيكتب إسم المختارين تا يفوتو عالملكوت و بينقّيهن حسب أعمالن.

راحت عالبيت ركعت قدّام صورة يسوع و صارت تصلّي.

سمعتها إمها عم تقول:

يا رب أنا ما بعذّب أهلي و بسمع الكلمة و شاطرة بالمدرسة بيكفو هودي الأعمال تا تكتبلي إسمي؟

أنا إسمي ماري كريستين، رح هجّيلك ياه حرف حرف أحسن ما تغلّط فيه و ما يفَوتوني!

و رح قلّك إسم إمّي و بيّي و إخواتي بَركي في بنات غيري إسمن هيك كمان حتّى يعرفوني الملايكة عالباب...

براءة الأطفال مش مختلفين عليها بس انتبهتو قدّيش هالزغيرة عندها إصرار تفوت عالسما؟!!

لو الناس اليوم عندن ربع إصرارها كانت الدني بألف خير، كانت أعمال الناس بتكون غير هيك أكيد !

يا رب إزرع فينا إصرار و عزيمة هالزغيرة...
الله يكون معكن وين ما كنتو.

المصدر : صفحة Jesus My Lord