"شو هوّي عمل الخير للي ممكن تقوم فيه من دون ما الآخر يتوقّعو؟"

هيدا كان سؤال المسابقة للي أطلقتها شركة "Chevrolet" من حوالي شهر حتّى تحفّز الناس يقوموا بأعمال محبّة.

ومبارح، أُعلنت النتيجة والرابح هوّي "Ewan"، ولد بيبلغ عمرو ٩ سنين، بلّش يساعد المشرّدين بكاليفورنيا لما كان عمرو ٧ سنين وعلى مدّة سنتين ما وقّف يهتمّ فين ويقدّملن أكل وغطا للنوم.

كتير حلوة المبادرة للي قام فيها "Ewan" بس الأحلى المبادرة للي قامت فيها شركة سيارات، قررت تدفع الناس ليسرعوا، ويقوموا بعمل الخير يمكن يخلّص حياة شخص تاني.

وإنت كمان، فيك تسرع حتى تخدم شخص محتاج.

المصدر : صوت المحبّة