سَلمو نهاركن بكل لحظاتو للرب!

مين مِنّا مش عايش لحظة بلحظة مشكلة الكهربا و الإشتراك و راحت و إجت و عَلّو الديجونكتور...

بغضّ النظر عن شو ما كان رأينا بالموضوع، هالموقف صار مع أحد الأصدقاء : بمنطقة دَقّو السكّان لصاحب الموتور عم يسألوه عن برنامج التقنين تا يعرفو كيف بدّن ينَظمو وقتن.

قلّن إنّو رح يقطع ٥ ساعات بالنهار.

قالولو و بالليل؟

قلّن إنّو ما بيقطع الكهربا بالليل يمكن شي ختيار ماشي يتفركش بشي بالعتمة يؤذي حالو.

نقلنالكن هالشي تا نقول إنّو شو ما كانت المشكلة و قد ما كانت مش مقبولة و ما بتنحمل بيضلّ في مطرح لشويّة إيجابيّة و شويّة انسانيّة...

صحّ نحنا بوضع كتير صعب و صح إننا مش شايفين أفق حلّ و تعبنا و خلصت قدرة التحمّل عِنّا بس عاطول في مساحة أمل منقول و منعرف و منآمن إنّو ربّنا ما رح يتركنا...

إذا مش شايفين ضَو كونو إنتو الضَو!

صَلبو إيدكن عا وجكن و سَلمو نهاركن بكل لحظاتو للرب!

المصدر : صفحة Jesus My Lord