مقابل أي مبلغ ممكن تعطي عيونك لحدا؟ مليون أو أكتر؟ ولا بمال الدني!

عيوننا هنّي صوره عن أغلى ما منملك.

منقول : "بحافظ عليه متل بوبّو عيني" .

عيوننا يعني ٢٦٤ مليون خليّه بتفرجينا النور والأشكال والألوان بالعالم.

لمّا منسافر ومنقول شفنا الصين كلّو بفضل عيوننا.

وزن العين ٧ غرامات ونص، عيوني التنَين بوزن مكتوب.

٢٥ غرام لسفرة العمر، أخفّ زوّادة وأهمّ زوّادة، وبالرغم من كلّ هالأمور مش عيوننا هنّي المهمّين.

منقدر نملك عيون وما نشوف.
لأن ورا العيون لازم يكون في شخص، شخص حابب فعلًا يشوف ويفهم ويحب.

بالحقيقه، حتى نشوف منيح لازم شرطَين: وجود العيون ونوعية النظر.

الزوّادة بتقلّكن :

مش الأعمى أعمى البصر، إنّما أعمى البصيره.

إحذرو أنو ينقال عنكن :

"لهم عيون ولا يبصرون"...

المصدر : صوت المحبّة