منبتدي صباحنا بتمجيدك وشكرك يا ربّ الأرباب.


عم نسبّحك يا ربّ متل ما سبَّحَك الطوباوي الأخ إسطفان نعمه وكل قدّيسي لبنان اللي سبقونا، وكانت حياتن تحقيق لمشيئتك عالأرض.


عم نرفعلك الإكرام يا ربّ، مع قدّيس المستقبل أسطفان نعمه اللي ترك كلّ شي، الأرض والأهل وكل مغريات العالم، تا يكون معك وتكون وحدك مصدر سعادتو.

عم نمجّدك يا ربّ، مع الأخ أسطفان نعمه اللي كانت كل أعمالو وأقوالو مراية تعكس نورك للعالم، واللي كان هدفو الأوحد والدايم إنّو يخلِّص حالو ويحصل عالحياة الأبديِّة معك.


ومع هالقدّيس المتواضع، أسطفان نعمه، بدنا نشكرك هلّق وبكرا ودايماً لأنَّك عم بتكون حاضر بكلّ لحظة من لحظات حياتنا، وبدنا نعترف فيك إلهنا ومُخلِّصنا الوحيد، وتكون إنتَ أساس حياتنا يا ربّي يسوع.

/الخوري يوسف بركات/