بهالأحد المبارك منسبّحك ومنمجّدك ومنباركك يا ربّ بهالصباح المبارك، ومنشكرك عالقدّيسين اللي حاططن بدربنا واللي سبقونا وكانو إلنا مثل بحياتن معك.


من هالقدّيسين مار سمعان العامودي اللي فضّل إنّو يختلي فيك ويبقى يمجّدك كل حياتو هوّي وعايش عا عامود، يصلّي ويرشد الناس لإلك.


من القدّيس سمعان العامودي مناخد المثل بإننا فينا نتقدَّس بوضعنا اللي نحنا فيه، كلّ واحد وواحدة مِنّا بحسب طريقة حياتو بيقدر يتقدَّس يا ربّ.


ومن القدّيس سمعان العامودي منتعلَّم إننا فينا نلتقي فيك يا ربّ بشرط إننا نستسلم بكلِّيِّتنا لإلك، ونعرف إنَّك حاضر معنا بكلّ زمان ومكان.


ومتل ما عاش القدّيس سمعان العامودي بسلام وبفرح لأنّو لمس حضورك بحياتو وبرسالتو الصعبة، هيك نحنا كمان، رجانا فيك يا ربّ إنَّك رح تعطينا سلامك، وتلمِّسنا حضورك، وتخلِّينا نتلذَّذك بكلّ مرَّة بتعطينا ذاتك زاد وزوّادة لرسالتنا اليوميِّة معك.

/الخوري يوسف بركات/